Deputetja e Kosovës, Flora Brovina, e cila tronditi opinionin me një fotografi ku pretendohej që dukeshin ushtarë serbë teksa dhunonin një grua shqiptare, ka dhënë sot një deklaratë në Polici pas raportimeve se fotografia ishte e rreme.

Mirëpo, ndonëse kur publikoi fotografinë doli para të gjithë gazetarëve, tani deputetja po u shmanget atyre. Ajo fillimisht  u fut “fshehurazi” në stacionin policor Qendra, dhe po në mënyrë të tillë u largua nga aty, shkruan Reporteri.net.

Intervistimi i deputetes Brovina  ka filluar në orën 11:00 dhe ka  vazhduar deri rreth e orës 13:30

Kujtojmë se dje gjatë ditës Prokuroria Speciale nisi hetimet lidhur me rastin e pretenduar nga Brovina, të cilët pas pak minutash kanë thënë se do të dalin me një komunikatë lidhur me këtë çështje.

Theksojmë se edhe pas raportimeve se fotografia është e rreme, Flora Brovina ka insistuar për rastin në fjalë, duke thënë se gruaja jeton akoma dhe për këtë ka dëshmi./Reporteri.net