Emisari i veçantë i Bashkimit Evropian, Miroslav Lajçak ka bërë të ditur se takimi mes palës kosovare dhe asaj serbe në Bruksel ka përfunduar.

Ai në një postim në Twitter tha se me Bislimin dhe Petkoviqin kanë diskutuar për elementet e dialogut, marrëveshjet e kaluara dhe hapat e ardhshëm.

“Sapo përfundova dy ditë të diskutimeve të gjera dhe të thella me dy Kryenegociatorët dhe ekipet e tyre mbi gamën e plotë të elementeve të Dialogut – marrëveshjet e kaluara, çështjet aktuale dhe hapat e ardhshëm në normalizimin e marrëdhënieve midis Kosovës dhe Serbisë. Ne të gjithë ramë dakord se ka ende shumë punë për të bërë dhe ne do të vazhdojmë”, shkroi ai.

Just concluded two days of extensive and in-depth discussions with the two Chief negotiators and their teams on the full range of Dialogue elements – past agreements, current issues, and next steps in the normalisation of relations between Kosovo and Serbia.

— Miroslav Lajčák (@MiroslavLajcak) July 7, 2021