Kandidati i LDK-së, për kryetar të Prishtinës, Përparim Rama, ka thënë se kryeqytetin do ta fitoj pa balotazh në zgjedhjet e tetorit.

“Prishtinën e fitojmë pa balotazh. Besoj se ne mundemi dhe duhet të punojmë, Prishtina nuk ka kohë për balotazh. Është për të mirën e Prishtinës që ta fitojmë besimin e qytetarëve të Prishtinës dhe ta fitojmë pa balotazh”, tha Rama në Kanal10, shkruan Reporteri.net.

Ai ka thënë se garanton fitoren në Prishtinë.

“Unë e përfaqësojë LDK-në, garantojmë fitoren. Jemi në avantazh, sondazhet po tregojnë këtë”, tha ai.

Kujtojmë se kundërkandidatë të Ramës për të parin e Prishtinës janë: Arben Vitia nga Vetëvendosje, Uran Ismaili nga PDK, Daut Haradinaj nga AAK dhe Gëzim Mehmeti nga AKR. /Reporteri.net/.