Drejtori i Zyrës për Kosovën në Qeverinë e Serbisë, Petar Petkoviq, i ka replikuar Ministres së Jashtme të Kosovës, Donika Gërvalla e cila ka thënë se Aleksandër Vuçiq dhe Vladimir Putin paraqesin kërcënim për luftë në Ballkan.

Petkoviq ka thënë se i vetmi person që e destabilizon rajonin është Albin Kurti.

“Donika Gërvalla, i vetmi i cili e destabilizon rajonin është Albin Kurti duke lobuar për Shqipërinë e Madhe, duke anashkaluar marrëveshjet e Brukselit, duke bërë armatosjen deri në dhëmbë të forcave speciale kundër qytetarëve të paarmatosur në veri të Kosovës”, ka shkruar Petkoviq në Twitter.

.@gervallaschwarz the only one destabilizing region is @albinkurti by advocating Greater Albania, rejecting Brussels agreements, deploying armed-to-the-teeth special forces against unarmed citizens in the North of Kosovo and Metohija ? https://t.co/JLNS1xjMRj

— Петар Петковић (@PetkovicPetar) November 25, 2021

Ministrja e Jashtme e Kosovës, Donika Gërvalla, dje përmes një shkrimi në llogarinë e saj në Twitter, ka thënë se kërcënimet e Vuciqit dhe Putinit e bëjnë Iuftën një rrezik real për Ballkanin.

Gërvalla tha se Rusia dhe Serbia po e destabilizojnë Ballkanin në vazhdimësi dhe këtë ëështje duhet ta trajtojë qartë BE-ja dhe vendet anëtare të NATO-së.

Tutje, Gërvalla tha se për herë të parë që nga vitet 90’ta, ekziston rreziku real që kërcënimet e Putinit dhe Vuciqit të prodhojnë Iuftë në Ballkan.