Asociacioni i komunave serbe duhet të formohet menjëherë dhe me kompetencat që i përkasin asaj sipas marrëveshjeve të Brukselit, tha drejtori i ri Zyrës për Kosovë në Qeverinë e Serbisë, Petar Petkoviq gjatë takimit me përfaqësuesin special të BE për dialogun midis Beogradit dhe Prishtinës, Miroslav Lajcak.

Siç raportojnë meidiat serbe, Petkoviq i tha Lajçakut se tani BE-ja është në test që si ndërmjetës në dialog të garantojë zbatimin e marrëveshjeve.

Sipas tij, Asociacioni ka vetëm një qëllim – të mbrojë pozicionin dhe të drejtat e popullit serb në Kosovë.

Kujtojmë se Lajçak për dy ditë qëndroi në Prishtinë ku pati takime me liderët e vendit. Në një konferencë për media pas përfundimit të vizitës në Kosovë, Lajçak tha se Prishtina duhet të zbatojë marrëveshjet e Brukselit lidhur me Asociacionin. /Reporteri.net