Pjesëtarë të Policisë të Kosovës janë vendosur në hyrje të Zyrës së Rregullatorit të Energjisë, pak para protestës së paralajmëruar kundër shtrenjtimit të rrymës.

Protesta është paralajmëruar në ora 12:00 për të kundërshtuar shtrenjtimin e çmimit të energjisë elektrike.

Në mbledhjen e sotme të ZRRE-së, shefi i këtij institucioni, Ymer Fejzullahu, ka refuzuar që të tregojë për gazetarët se sa % është shtrenjtuar rryma.

Gazetarët dhe anëtarët e Bordit të ZRRE’së janë përplasur mes vete në mbledhjen e sotme, ku u miratuan të Hyrat e Lejuara Maksimale për OST/OT, OSSH dhe FSHU.

Ata kanë kërkuar nga gazetarët që ta lirojnë sallën për ta vazhduar mbledhjen, pa treguar përqindjen sa sa i bie që është rritur çmimi i rrymës, shkruan Reporteri.net.

“Deri të na e jep përgjigjen, ne nuk e lirojmë sallën”, dëgjohet duke thënë një gazetare.

“Përgjigjen e morët mes raporteve që janë publike”, ka deklaruar Kryesuesi i ZRRE’së, Ymer Fejzullahu.

Ai tha se më vonë do të dalin me komunikatë. /Repprteri.net/

Përplasje mes gazetarëve dhe Bordit të ZRRE’së, s’tregojnë sa u shtrenjtua rryma – u kërkojnë ta lirojnë sallën