Një këmbimore në afërsi të Gjykatës Themelore në Ferizaj është plaçkitur dhe dyshohet për vjedhjen e 30 mijë eurove, shkruan gazeta online Reporteri.net.

Policia për rajonin e Ferizajt ka njoftuar se një person i maskuar dhe nën kërcënimin me revole ka vjedhur një shumë të caktuar parash dhe është larguar nga vendi i ngjarjes.

“Menjëherë ekipe të policisë, policë të rendit, hetues të stacionit, si dhe hetuesit dhe krimteknikët rajonal kanë dalë në vendin e ngjarjes dhe kanë marrë masat e nevojshme të hetimit për identifikimin dhe kapjen e të dyshuarit e kësaj ngjarje”, thuhej në njoftimin e policisë.

“Për të gjitha këto veprime është njoftuar edhe prokurori kujdestar nga Prokuroria Themelore në Ferizaj. Në momentin e grabitjes ka qenë duke punuar një punëtor, i moshës 30 vjeçar dhe nuk raportohet për lëndime”, thuhej në njoftim.