Një plagosje me armë zjarri ka ndodhur sot rreth orës 15:30 në Bardhosh të Prishtinës, ku dy persona kanë mbetur të plagosur.

Zëdhënësi i Policisë Agron Borovci ka thënë për Gazetën Online Reporteri.net se të plagosurit janë qëlluar nga persona aktualisht të panjohur.

“Ndërkohë që viktimat janë dërguar në QKUK për të marrë trajtimin e nevojshëm mjekësor, hetuesit policor kanë nisur një hetim me qëllim të sqarimit të të gjitha rrethanave që karakterizojnë rastin si dhe identifikimin e të dyshuarve të mundshëm”, ka bërë të ditur Borovci. /Reporteri.net/