Njësia e Trafikut Rajonal, në kuadër të Drejtorisë Rajonale në Mitrovicën e Jugut ka identifikuar dy shoferë të cilët po zhvillonin gara të shpejtësis, shkruan Gazeta Online Reporteri.net.

Ata janë hasur në rrugën nacionale Mitrovicë-Prishtinë, dhe të njëjtit janë gjobitur me nga 400 euro, 4 pikë negative dhe u është marrë leja për 10 muaj.

Njoftimi:

Ndëshkohen dy kundërvajtës për gara të kundërligjshme në trafikun rrugor

Mitrovicë, 28 Maj 2024

Njësia e Trafikut Rajonal në kuadër të Drejtorisë Rajonale në Mitrovicën e Jugut, ka identifikuar dhe ka marrë masa ligjore ndaj dy shoferëve për kundërvajtje në trafikun rrugor.

Kundërvajtësit janë hasur në rrugën nacionale Mitrovicë-Prishtinë, të cilët në kundërshtim me rregullat e trafikut rrugor ishin duke bërë gara shpejtësie me vetura duke penguar dhe rrezikuar edhe pjesëmarrësit tjerë në trafikun rrugor.

Kundërvajtësve u janë shqiptuar gjobat prej katërqind (400) euro, katër (4) pikë negative si dhe masa mbrojtëse-marrja e patentë shoferit në kohëzgjatje prej dhjetë (10) muajsh.