Ish-deputetja e Kuvendit të Kosovës, Melihate Tërmkolli ka thënë se po të ishte gjallë presidenti Ibrahim Rugova, do të niste letër në Gjykatën Speciale në mbrojtje të luftës së UÇK-së, shkruan Reporteri.net.

Në një postim në Facebook, Tërmkolli ka kritikuar presidenten Vjosa Osmani që nuk ka bërë asnjë reagim deri tani, e po njësoj edhe Kurtin.

“Ku po jetojnë përfaqësuesit më të lartë të Kosovës, në çfarë planeti janë?!”, ka shkruar mes tjeras Tërmkolli.

Reagimi i plotë:

Po të ishte Presidenti Rugova, e pakta që do të bënte dje, ai do të niste një letër Gjykatës Speciale në mbrojtje të luftës së UҪK-së dhe popullit të Kosovës për çlirim nga okupatori gjenocidal serb dhe do të uronte pafajësinë e të gjithë të akuzuarëve. Burrështetasi e patrioti i vërtetë, në rend të parë vë interesin e shtetit!

Asnjë fjalë nga Presidentja, tani! Asnjë fjalë nga Kryeministri, tani!

Ku po jetojnë përfaqësuesit më të lartë të Kosovës, në çfarë planeti janë?!

Presidentja u muar me plotësimin e “stafit” të saj, ndërsa Kryeministri dhe ndihmësit e tij me ”Zajedenicën”!

Turpi ka emër e mbiemër!

Dhe jo vetëm turpi!