Një aksident i rëndë trafiku ka ndodhur mbrëmjen e së shtunës në fshatin Hereq të Komunës së Junikut, ku si pasojë humbi jetën një person dhe mbetën të lënduar pesë të tjerë.

Rastin e ka konfirmuar zëdhënësi i Policisë së Kosovës për Rajonin e Gjakovës, Nusret Gjurkaj, i cili ka treguar edhe shkaqet që çuan deri tek aksidenti fatal, shkruan Reporteri.net.

Gjurkaj tregoi se deri të aksidenti ka ardhur për shkak të shpejtësisë dhe mospërshtatjes së kushteve rrugore.

“Vetaksidenti ka ndodhur për shkak se mospërshtatjes së kushteve rrugore dhe tejkalimit të shpejtësisë”, ka thënë Gjrukaj.