Stacioni policor i Ferizajt, nga Drejtoria Rajonale e Policisë në Ferizaj, ka arritur që sot të arrestojë një person nga Ferizaj, me inicialet A.B., 21 vjeçar.

Siç thuhet në komunikatën e PK-së, ai ishte i kërkuar, në bazë të urdhëresës së Gjykatës Themelore të Ferizajt, me dënim burgimi, në kohëzgjatje prej 8 muaj, për veprën penale në bashkëkryerje “Blerje , posedim, shpërndarje të paautorizuar të substancave narkotike, substancave psikotrope ose analoge”.

Tutje thuhet se pas kompletimit të dokumentacionit, i njëjti dërgohet në vuajtje të
dënimit.

“Drejtoria Rajonale e Policisë në Ferizaj, do të vazhdojë me realizimin e urdhëresave të gjykatës, ndaj personave që ende nuk ju kanë përgjigjur thirrjes së gjykatës”, njofton Policia.