Policia e Kosovës është larguar nga objekti i Agjencisë së Ushqimit dhe Veterinarisë, ku aty raportohet se është vjedhur një kasafortë.

Rastin e ka konfirmuar për Gazetën Online “Reporteri.net” zëdhënësi i Policisë së Kosovës, Daut Hoxha.

“Me datë 22.10.2020. në ora 08:05, ne Policinë e Kosovës është raportuar se në nje objekt në Fushë Kosovë është kryer një vjedhje”, ka thënë ai.

Hoxha ka shtuar se njësitet kompetente policore kanë dal në vendin e ngjarjes dhe janë duke kryer hetime për rastin.

Reporteri.net ka tentuar të marrë një përgjigje nga zëdhënësi i AUV-it, Lamir Thaçi, por telefonin e ka pasur të ndalur.

Ende nuk dihet se çfarë ka pasur në brendësi të arkës. /Reporteri.net