Policia Kufitare dhe Dogana e Kosovës ka gjetur 15 mijë euro të padeklaruara në një veturë me targa të Bosnje e Hercegovinës në pikëkalimin kufitar në Bërnjak, që drejtohej nga një shtetas i Bosnje e Hercegovinës.

Në njoftimin e Policisë thuhet se mjetet financiare të padeklaruara janë sekuestruar dhe se do të trajtohen nga Dogana e Kosovës në procedurë të mëtejme doganore, sipas legjislacionit në fuqi.

“Policia e Kosovës, në bashkëpunim dhe koordinim me institucionet e RKS-së, do të vazhdojë me angazhimin e saj për parandalimin e aktiviteteve të paligjshme”, thuhet në njoftim./Reporteri.net