Drejtoria për Hetimin e Krimeve Ekonomike dhe Korrupsionit në Policinë e Kosovës, kanë vazhduar intervistimet brenda Federatës së Futbollit të Kosovës.

Sipas njoftimit të tyre sot janë intervistuar katër persona zyrtarë të FFK-së nën dyshimin e zhvatjes dhe keqpërdorimit të pasurisë së federatës.

“Drejtoria për Hetimin e Krimeve Ekonomike dhe Korrupsionit në Policinë e Kosovës, gjegjësisht Njësiti Rajonal për Hetimin e Krimeve Ekonomike dhe Korrupsionit-Prishtinë, në bashkëpunim me Prokurorinë Themelore në Prishtinë, sot me datë 04.04.2023, në vazhdën e hetimeve të zhvilluara në Federatën e Futbollit të Kosovës (FFK), kanë intervistuar katër persona nën dyshimet për zhvatje, respektivisht keqpërdorim në pasurin dhe interesat e FFK-së.”, thuhet në komunikatë, përcjell Reporteri.net.

Sipas Policisë të dyshuarit “kanë keqpërdor autorizimet e tyre me qellim që personit të huaj ti sjellin dobi pasurore të kundërligjshme duke lejuar pagesën e faturës për blerjen e një veture.”

Ashtu siç ka njoftuar Policia kjo veturë është sekuestruar.

“Andaj si rezultat i hetimeve të realizuara nga Njësiti Rajonal për Hetimin e Krimeve Ekonomike dhe Korrupsionit-Prishtinë, dyshohet se vetura e lartcekur në mënyrë të kundërligjshme është përvetësuar dhe regjistruar në emër të personit privat në FKK, andaj e njëjta është sekuestruar.”

Këta persona dyshohen të kenë kryer veprat penale  “Keqpërdorim i besimit” dhe “Shmangia nga tatimi” dhe të njëjtit pas intervistimit janë liruar.

Për të njëjtat vepra penale i është caktuar masa e arrestit shtëpiak edhe kryetarit të FFK-së, Agim Ademit.

Postimi i plotë: