Policia e Kosovës ka dhënë detaje për për plagosjen që ndodhi gjatë ditës së djeshme në lagjen Lakrishtë të Prishtinës, ku ishin të përfshirë reperi Fero dhe menaxheri i tij Met Elshani.

Policia e Kosovës, e ka cilësuar ngjarjen si vrasje e rëndë në tentativë-shkaktim i rrezikut të përgjithshëm, shkruan Reporteri.net.

Në raportin e Policisë  thuhet se ditën e djeshme rreth orës 14:35 janë arrestuar tre të dyshuar meshkuj pasi që të njëjtit kanë shkëmbyer të shtëna me armë zjarri duke lënë të plagosur menaxherin Met Elshani.

Policia po ashtu bën të ditur se në vendin e ngjarjes janë gjetur dhe konfiskuar tri armë zjarri të shkurtra për të cilat dyshohet se janë përdorur në rast, si dhe 35.1 gr substancë narkotike.

Pas intervistimit me urdhër te prokurorit të dyshuarit janë dërguar në mbajtje.

Ndryshe Reporteri.net gjatë ditës së djeshme kishte publikuar edhe pamjet e arrestimit të personave të përfshirë në këtë plagosje. /Reporteri.net

Plagoset një person në Prishtinë, pamje spektakolare të arrestimit