Nga zjarri i shkaktuar në rrugën “Fehmi Agani” në Prishtinë, nuk është lënduar asnjë person.

Lajmin për Gazetën Sinjali e ka konfirmuar, Daut Hoxha, zëdhënës i Policisë së Kosovës. Ai tha se zjarri është lokalizuar edhe pse në afërsi kanë qenë dy vetura.

“Rreth orës 16:20 është raportuar se në rrugën “Fehmi Agani” është duke u djegur një ‘serrë’. Njësia policore menjëherë ka shkuar në lokacion si dhe janë njoftuar njësia e zjarrëfiksave. Sipas njësisë në atë lokacion nuk ka pas rrezik megjithëse dy vetura kanë qenë në afërsi mirëpo zjarrëfiksat kanë arritur shumë shpejt dhe kanë reaguar”, tha Hoxha.