Kryeministri i vendit, Albin Kurti e ka cilësuar fitore të madhe konfiskimin e mbi 6 mijë fishekëve gjatë ditës së djeshme në veri, shkruan Gazeta Online Reporteri.net.

Në një postim në Twitter, Kurti ka thënë se Qeveria ka zero tolerancë për trafikun e armëve, drogës dhe krimin e organizuar.

“Një tjetër fitore për sundimin e ligjit: Policia e Kosovës ka arrestuar një trafikant armësh që tentoi të kontrabandonte 6300 plumba nga Serbia. Qeveria jonë ka zero tolerancë për trafikun e armëve dhe drogës, krimin e organizuar dhe çdo përpjekje për të mbështetur dhunën ose konfliktin – kudo në territorin tone”, tha Kurti.

Another victory for rule of law: Kosova Police have detained an arms trafficker attempting to smuggle 6,300 bullets from Serbia. Our Govt has zero tolerance for arms & drug trafficking, organized crime & any effort to support violence or conflict—anywhere on our territory.

— Albin Kurti (@albinkurti) February 22, 2023

6,300 fishekë dje u gjetën brenda një veture në fshatin Jashanicë të Leposaviqit.

“Policia gjatë kontrollit të automjetit, ka gjetur rreth 6300 (gjashtë mijë e treqind) copë fishekë. I dyshuari (J.Zh, viti i lindjes 1981) është shoqëruar në polici. I njëjti është intervistuar, ndaj tij është iniciuar rasti penal dhe me aktvendim nga prokurori i njëjti është dërguar në mbajtje deri në 48 orë”, thuhet në komunikatë e policisë./Reporteri.net/