×
  • Lajme
  • Lajme

    Policia në aksion, i dënon 509 qytetarë për mos respektim të ligjit anti-COVID-19

    Reporteri
    19 Gusht 2021 | 10:37

    Policia e Kosovës është duke vazhduar me dënimin e qytetarëve që nuk po respektojnë ligjin anti-COVID-19.


    Sipas të dhënave të fundit të publikuar nga Policia, në 24 orët e fundit janë dënuar 509 qytetarë.

    Policia e Kosovës përmes një komunikate për media ka kërkuar nga të gjithë qytetarët, nga institucionet dhe bizneset që të respektojnë vendimet e fundit të marra nga qeveria e vendit kundër COVID-19.

    Në njoftim thuhet se “evidentimi i rasteve të reja të infektimit me virusin COVID 19, ka qenë shqetësues për qytetarët dhe institucionet në përgjithësi dhe pas masave të reja të ndërmarra nga institucionet e vendit edhe Policia e Kosovës ka rritur kapacitetet në funksion të realizimit dhe implementim të këtyre masave në bashkërendim me autoritetet kompetente”.

    Ndryshe, si pasojë e rritjes së rasteve me coronavirus, Qeveria e Kosovës, ditën e mërkurë, mori vendim për ashpërsimin e masave kundër coronavirusit. Ku pas datës 20 gusht, ndalohet mbajtja e dasmave dhe ahengjeve familjare. Po ashtu edhe sektori i gastronomisë lejohet të punojë vetëm deri në ora 22:30.

    Të mërkurën, Kosova shënoi rekord të rasteve me coronavirus, ku u konfirmuan 2 mijë e 110 raste.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!