Një person është plagosur para pak minutash në lagjen Lakrishtë të Prishtinës, pas një shkëmbimi zjarri ku ishte i përfshirë edhe reperi Fero.

Policia e Kosovës ka bërë të ditur detajet e rastit, me ç’rast ka publikuar edhe armët që janë përdorur në këtë rast, shkruan Reporteri.net.

Sot rreth  orës 15:00, policia  ka marrë informacionin se në lagjen “Dardania”  në Prishtinë, ka pasur të shtëna me armë zjarri. Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore për ekzaminim të vendngjarjes, të cilat kanë hasur në viktimën M.E”, thonë Policia.

Ndërkohë, ata bëjnë të ditur se kanë arrestuar katër persona, një prej të cilëve është dërguar në QKUK nën përkujdesje të Policisë.

Ndryshe, u raportua se kjo plagosje erdhi pas përplasjes së grupeve që merren me rep./Reporteri.net