Policia e Kosovës ka bërë të ditur se ka arritur të identifikojë personat që qëndrojnë prapa grupit në Viber, përmes së cilit shoferët njoftojnë njëri-tjetrin për vendndodhjen e policisë, shkruan Reporteri.net.

Sipas policisë grupi përbëhej prej 7000 personave, ndërkaq për rastin janë ndaluar dy të dyshuar, nga të cilët janë konfiskuar dy telefona të mençur.

“Njësiti i hetimeve ka ndaluar dy të dyshuar meshkuj K/shqiptarë, të cilët kanë krijuar një grup në Viber dhe në të ishin të anëtarësuar rreth 7000 persona të cilët kanë shpërnda njoftime rreth vendndodhjes dhe lëvizjet e Policisë. Nga të dyshuarit, janë konfiskuar dy telefona të mençur dhe me urdhër të prokurorit pas intervistimit janë liruar në procedurë të rregullt”, thuhet në raportin ditor të Policisë së Kosovës. /Reporteri.net