Për shkak të turizmit, e po ashtu ardhja e bashkatdhetarëve ka shtuar kolonat në kufirin Shqipëri -Kosovë, në Morinë.

Fluksi në këto temperatura të larta është krijuar për shkak të kontrolleve teknike.

E në këto kushte të temperaturave përvëluese, policia shqiptare u ka ardhur në ndihmë udhëtarëve duke iu ofruar atyre ujë të ftohtë për tu freskuar.

“Shërbimet e Policisë Kufitare Morinë, gjatë ditës së sotme, nisur nga temperaturat shumë të larta, kanë shpërndarë ujë për drejtuesit e automjeteve dhe për pasagjerët, kryesisht për fëmijët e vegjël”.

“Policia Kufitare e Morinës është e angazhuar maksimalisht për t’iu ofruar një shërbim sa më cilësor qytetarëve, vizitorëve dhe turistëve”, thuhet në njoftimin e policisë.