Presidenca e Kosovës ka konfirmuar se shefi i stafit të Presidentes Osmani, Blerim Vela ka përfunduar angazhimin e tij në Presidencë, shkruan Reporteri.net.
“Ai do t’i kthehet angazhimit të tij profesional dhe familjes”, thuhet në njoftim.
Presidentja Osmani e ka falënderuar atë për angazhimin e deritashëm dhe i ka uruar sukses në angazhimet e mëtejme.
Vela së fundi ka qenë në qendër të kritikave për një status në platformën sociale “X”, që kishte të bënte me gazetarin Fahri Musliun, që ndërlidhej me presidentin e Serbisë, Aleksandar Vuçiq. Vela kishte sugjeruar që presidenti serb Vuçiq dhe publicisti Musliu ta bënin testin e ADN-së për të vërtetuar nëse kanë gjakun e njëjtë.
Shefi i stafit të Presidentes Vjosa Osmani, Blerim Vela, ka dhënë dorëheqje nga pozita e tij në Presidencë, ka mësuar Gazeta Online Reporteri.net nga burimet e veta.
Reporteri.net ka dërguar pyetje për sqarim në Presidencë dhe është në pritje të një përgjigjeje.
Vela së fundi ka qenë në qendër të kritikave për një status në platformën sociale “X”, që kishte të bënte me gazetarin Fahri Musliun, që ndërlidhej me presidentin e Serbisë, Aleksandar Vuçiq. Vela kishte sugjeruar që presidenti serb Vuçiq dhe publicisti Musliu ta bënin testin e ADN-së për të vërtetuar nëse kanë gjakun e njëjtë.
Blerim Vela, ishte emëruar shef i stafit të presidentes, Vjosa Osmani, më 7 prill të vitit 2021.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
