Presidenti i Kosovës, Hashim Thaçi ka dënuar sulmet iraniane kundër forcave amerikane dhe aleatëve të tyre, duke i bërë thirrje Teheranit zyrtar të heqë dorë nga dhuna.

Ai në një postim në Twitter shpreh mbështetjen e Kosovës për aleatët e saj dhe SHBA-në.

“Ne i dënojmë sulmet raketore iraniane kundër forcave amerikane dhe aleatëve të vendosura në Irak që janë të fokusuara në mposhtjen e ISIS. Kosova është anëtar zyrtar i Koalicionit dhe ne i bëjmë thirrje Iranit që të dekurajojë dhunën. Ne mbetemi në mbështetje të SHBA dhe familjes sonë atlantike në këtë kohë trazirash”, shkruan Thaçi.

We condemn the Iranian missile attacks on USA & @coalition forces based in Iraq and focused on defeating #ISIS. #Kosovo is a formal member of the @Coalition and we call #Iran to de-escalate the violence. We remain in support to US and our Atlantic family in this time of upheaval.

— Hashim Thaçi (@HashimThaciRKS) January 8, 2020