Presidenti i Republikës së Kosovës, Hashim Thaçi ka thirrur konferencë për media sot në ora 11:00, shkruan Reporteri.net.

Kjo është bërë me dije përmes një njoftimi nga Presidenca. Por ata nuk kanë njoftuar se për çfarë do të flasë presidenti në këtë konferencë.

“Presidenti i vendit, Hashim Thaçi, sot (07.09.2020), në orën 11:00 mban konferencë për media”, thuhet në njoftim.

Konferenca do të mbahet në hyrje të presidencës.

Kujtojmë se presidenti Thaçi pas marrëveshjes për ekonomi që u nënshkrua të premten në Washington ndërmjet Kosovës dhe Serbisë me ndërmjetësimin amerikan, është deklaruar vetëm përmes rrjeteve sociale.