Presidentja e Kosovës, Vjosa Osmani, bashkë me kryeministrin në detyrë, Albin Kurti, kanë vizituar nga afër ushtarët e FSK-së dhe ata amerikanë dhe të kombeve të tjera të cilët po marrin pjesë në ushtrimin e quajtur “Defender Europe 2025”.

Osmani ka thënë se “Defedender 25″ është dëshmi e fuqishme e aleancës së palëkundur në mes të SHBA-së dhe Kosovës.

Ajo falënderoi gjeneralët amerikanë që trajnuan ushtarët e FSK-së.

“Dua t’i falënderoj gjeneralët nga SHBA që janë jo vetëm sot por kanë qenë një kohë të gjatë me ushtarët tanë, në trajnime, në përgatitje dhe në ushtrimet që i patën.  “Defender 2025″ është dëshmi e aleancës së palëkundur ndërmjet Kosovës dhe SHBA-së”, tha Osmani.

Më 26 maj në Kosovë ka filluar ushtrimi i madh ushtarak ndërkombëtar “Defender Europe 2025”.

Nën udhëheqjen e ushtrisë së Shteteve të Bashkuara të Amerikës, ushtarët e FSK-së bashkë me ushtarë të dhjetëra vendeve të tjera do të kryejnë shumë lloje të trajnimeve ushtarake. /Reporteri.net/