Presidentja Vjosa Osmani e ka dekoruar ish-deputetin e Partisë Demokratike të Shqipërisë, Gerti Bogdani, i cili vdiq në shtator të vitit të kaluar, me urdhrin “Dr.Ibrahim Rugova”.

Bashkëshortja e ish-deputetit, Edlira Çepani tha se Bogdani kontribuoi për ndërkombëtarizimin e çështjes së Kosovës “që në nisjen e karrierës së tij dhe deri në fund”.

“Jam e sigurt se atje lart, atje nga ku po na sheh, Gerti vazhdon me krenari të thotë që jemi një”, tha ndër tjerash ajo, pasi me familjen e saj pranoi urdhrin.

Bogdani vdiq vitin e kaluar në moshën 44 vjeçare pas një arresti kardiak. /Reporteri.net/