Presidentja e Kosovës, Vjosa Osmani, ka njoftuar se është nisur drejt Lipjanit. Përmes një videoje live në Facebook-un e saj personal, Osmani tha se Lipjani është komuna më dinamike sa i përket zhvillimit ekonomik, përcjell Reporteri.net.

Në Lipjan, njoftoi ajo, operojnë mbi 2 mijë e 500 biznese.

Presidentja pritet të takohet me kryetarin e kësaj komune, Imri Ahmeti, me të cilin do të ketë edhe deklarim për media.

Osmani do të takojë gra dhe të rinj, komunitete joshumicë dhe biznese të Lipjanit.