Në Spitalin e Pejës është lënë një foshnje në gjendje të rëndë shëndetësore, ndërsa prindërit janë larguar.

Spitali ka raportuar në Policinë e Kosovës se kjo ka ndodhur ditë më parë dhe se foshnja është dërguar në QKUK për t’u trajtuar më tej.

“Nga Spitali i Pejës është raportuar se ditë më parë, nga prindërit e saj është sjell foshnja viktima femër kosovare, në gjendje të rëndë shëndetësore. Të dyshuarit më pas janë larguar nga spitali dhe kanë lënë viktimën. Viktima është dërguar në QKUK për tretman të mëtutjeshëm mjekësor. Rasti është duke u hetuar”, thuhet në raportin e PK-së e cila rastin po e heton si “keqtrajtim apo braktisje e fëmijës”.