Brenda 24 orëve në rajonin e Prishtinës janë raportuar në polici tri raste të dhunës në familje, shkruan Gazeta Online Reporteri.net.

Siç bëhet e ditur, një rast ka ndodhur në Prishtinë, dhe dy rastet tjera, Podujevë dhe Fushë Kosovë.

Njoftimi i policisë:

DHUNË NË FAMILJE

· Podujevë / 09.03.2024 – 20:40. Është arrestuar i dyshuari mashkull/kosovar për arsye se kishte sulmuar fizikisht bashkëshorten e tij femër/kosovare. I dyshuari po ashtu gjatë vënies në kontrollë ka sulmuar edhe zyrtarët policorë. Viktima bashkë me fëmijën e saj kanë pranuar trajtim mjekësor. I dyshuari me vendim të prokurorit, pas inicimit të rastit është dërguar në mbajtje.

· Fushë Kosovë / 09.03.2024 – 21:00. Viktima femër/k ka njoftuar policinë se ndaj saj ka pasur dhunë psikike dhe fizike nga bashkëshorti dhe vjehërri i saj të dyshuarit m/k. Viktima ka pranuar trajtim mjekësor. Të dyshuarit janë arrestuar dhe pas intervistimit në konsultim me prokurorin bashkëshorti është dërguar në mbajtje ndërsa vjehërri është liruar në procedurë të rregullt.

· Prishtinë / 09.03.2024 – 01:00. Viktima femër/k, ka njoftuar se pas një mosmarrëveshje është sulmuar fizikisht nga bashkëshorti i saj m/k. Viktima ka pranuar tretman mjekësor. I dyshuari gjendet në arrati. Rasti në hetime.