Drejtori për Siguri dhe Emergjenca në komunën e Prishtinës ka bërë thirrje për kujdes, për shkak të parashikimeve meteorologjike, ku pritet përkeqësim i motit.

Në një komunikatë për media, kjo drejtori ka thënë se priten erëra të forta dhe mundësi stuhish në disa zona.

“Ju lutemi të tregoni kujdes të shtuar gjatë lëvizjes dhe qëndrimit në ambiente të hapura. Sipas parashikimeve meteorologjike, pritet përkeqësim i kushteve atmosferike, përfshirë erëra të forta dhe mundësi stuhish në disa zona. Këto kushte mund të paraqesin rrezik për sigurinë tuaj.

Këshillojmë të evitoni qëndrimin pranë pemëve, objekteve dhe strukturave jostabile që mund të rrezikojnë sigurinë tuaj”, thuhet në komunikatë.