Një person ka vdekur si pasojë e rrëzimit aksidental nga një pemë dje rreth orës 17:35 në komunën e Prizrenit.

Rastin e kanë konfirmuar Policia e Kosovës përmes raporti 24 orësh, shkruan Reporteri.net.

Në njoftim bëhet e ditur se pasi është rrëzuar nga pema, viktima mashkull ka pësuar lëndime të rënda të cilat edhe i kanë shkaktuar vdekjen.

Me vendim të prokurorit trupi i pajetë është dërguar në Institutin e Mjekësisë Ligjore për obduksion.

“Rr. Sheh Emini, Prizren 01.10.2020 – 17:35. Viktima mashkull  kosovar, është rrëzuar nga pema dhe ka pësuar lëndime të rënda. Viktimës i është dhënë tretmani mjekësor, por nga lëndimet e pësuara, ka ndërruar jetë. Me vendim të prokurorit, trupi i pa jetë është dërguar në IML, për obduksion”, thuhet në njoftim.