Prokuroria Themelore në Ferizaj ka ngritur 231 aktakuza gjatë vitit të kaluar për veprat penale të dhunës në familje, shkruan Reporteri.net.

Në njoftimin e Prokurorisë bëhet e ditur se 214 viktima kanë qenë gra, e 61 burra.

“Po ashtu, gjatë vitit 2024, janë parashtruar pesëdhjetë e gjashtë (56) kërkesa për caktimin e masës së paraburgimit në Gjykatën kompetente.

Prokuroria Themelore në Ferizaj, do të vazhdojë t’i trajtoj me seriozitet të gjitha rastet e dhunës në familje, duke ndërmarrë të gjitha veprimet e nevojshme për të parandaluar dhe luftuar veprat penale të kësaj natyre”, thuhet në njoftim.