Prokuroria Speciale e Kosovës ka ngritur sot aktakuzë kundër 15 të pandehurve.

Prokuroria Speciale njofton se pesëmbëdhjetë (15) të pandehurit janë, D.J., H.B., A.A., Xh.F., H.H., M.H., A.K., Ç.T., M.R., M.I., B.B., N.M., I.K., J.B. dhe B.M., të akuzuar për shkak të veprës penale “Krimi i organizuar” lidhur me veprën penale “Keqpërdorimi i pozitës zyrtare”.

Sipas njoftimit të prokurorisë theksohet se në këtë rast janë të përfshirë, ish Kryetari i Komunës së Leposaviqit si dhe 9 zyrtarë të tjerë të komunë së njëjtë.

Ndërsa, pesë të pandehurit të tjerë janë pronarë të bizneseve private të angazhuar në projektet e komunës.