Prokurori dhe Policia janë në vendin e ngjarjes duke zhvilluar hetimet ku dyshohet se u helmuan 26 zyrtarë të angazhuar nga KQZ në procesin e verifikimit të votave të ardhura nga jashtë Kosovës saktësisht nga Serbia. Zyrtarët kanë pësuar alergji pas kontaktit me këto zarfe.
Për Reporteri.net është prononcuar zëdhënësi i KQZ, Valmir Elezi, i cili tha se ngjarja nuk ka ndodhur në QNR, por në hapësirën e ndërtesës së Ministrisë së Infrastrukturës ku është i vendosur shërbimi votues.
Tutje Elezi shtoi se puna në QNR është duke vijuar me normalitet.
“Sa për sqarim, ngjarja nuk ka ndodhur në Qendrën e Numërimit dhe Rezultateve, por në hapësirën e ndërtesës së Ministrisë së Infrastrukturës ku është i vendosur shërbimi votues. Puna në QNR është duke vijuar me normalitet”, tha Elezi për Reporteri.net
Reporteri.net do të ju mbaj të informuar në ndërkohë në lidhje me ngjarjen.