Një person mbeti i vdekur dhe një tjetër pësoi lëndime të rënda nga rrëshqitja e dheut në një zonë të lagjes Veternik në Prishtinë, shkruan Gazeta Online Reporteri.net.

Lidhur me rastin, Policia e Kosovës njoftoi sot përmes raportit 24 orësh se një person është arrestuar.

Nga Prokuroria Themelore e Prishtinës kanë bërë të ditur se tashmë hetimet për rastin kanë nisur.

“Lidhur me pyetjen tuaj ju njoftojmë, se Prokurori i shtetit në koordinim me Policinë e Kosovës ka nisur hetim mbi vdekjen, bazuar në nenin 358 të Kodit Penal të Republikës së Kosovës, dhe me kujdes të shtuar po shqyrtojnë aspektet e rastit për shqyrtimin e plotë të rrethanave të kësaj ngjarje tragjike”, thuhet në përgjigjen e Prokurorisë.

/Reporteri.net/

Arrestohet një i dyshuar për rastin në Veternik ku një person vdiq dhe një tjetër u lëndua rëndë