Prokuroria Speciale shënjestron tri raste për vepra penale, përfshihen 48 persona

Lajme

Prokuroria Speciale shënjestron tri raste për vepra penale, përfshihen 48 persona

Reporteri

01 Prill 2021 | 16:33

Prokuroria Speciale ka shënjestruar tri raste të reja për vepra të ndryshme penale, ku janë të përfshirë 48 persona, shkruan Reporteri.net.

Lajmin e ka bërë të ditur vetë Prokuroria, përmes një komunikate për media.

Në rastin e parë të shënjestruar janë të përfshirë 17 persona, për veprat penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse”, dhe “Pjesëmarrja ose organizimi i grupit kriminal të organizuar”.

Në rastin e dytë i shënjestruar janë të përfshirë nëntë persona për veprat penale “Krim i organizuar”, lidhur me veprën penale “Blerje, posedim, shpërndarje dhe shitje të paautorizuar të narkotikeve të rrezikshëm dhe substancave psikotropike”.

Lexo edhe:

Përparim Ramusa, kandidat i PDK-së për kryetar të Shtimes

Erdogan: Derisa KFOR-i turk ndodhet në veri, shpresojmë të mos ketë ndonjë problem

Nëna akuzon shkollën në Prishtinë për diskriminim të vajzës, paralajmëron kallëzim penal

Ndërkohë, në rastin e tretë janë të përfshirë 22 persona, për veprat penale “Marrje ryshfeti” dhe “Keqpërdorim i detyrës zyrtare apo autoritetit zyrtar”.

Shpërndaje: