Seanca e Kuvendit të Kosovës e cila ka filluar para pak minutash për gjenocidin e Serbisë në Kosovë gjatë viteve 1988-99 ka bërë që të lindin disa paqartësi në ditën kur po shënohet 20 vjetori i zhdukjes së veprimtarit Ukshin Hoti.

Përkatësisht në këtë seancë, deputeti i Nismës, Milaim Zeka kërkoi që Kuvendi të mbajë një minutë heshtje në nderim të veprës së Ukshin Hotit dhe të gjithë viktimave të luftës, propozim ky të cilin Veseli nuk e aprovoi, shkruan Reporteri.net.

Veseli u shpreh se nuk mund ta bëj këtë pasi që nuk dihet akoma fati i të zhdukurve.

“Nuk guxojmë ta bëjmë një minutë heshtje për njerëzit për të cilët nuk e dimë fatin e tyre”, tha Veseli. /Reporteri.net