Në dy pikat kufitare në Veri, Jarinjë dhe Bërnjak, janë vendosur Njësia Speciale e Kosovës “ROSU” për të mbajtur rendin dhe mbikëqyrur zbatimin e marrëveshjes së reciprocitetit për tagrat.

Shoferët serb që po kundërshtojnë targat RKS, po komunikojnë edhe me pjesëtarët e Njësisë Speciale, shkruan Gazeta Online “Reporteri.net“.

Njëri nga ta u është drejtuar në gjuhën shqipe serbëve që kanë bllokuar rrugën.

“Protestën kërkush nuk ua ndalon, veç e lironi rrugën, me protestu, protestoni por rruga duhet mu liru. Të jemi të kjartë, rrugën e lironi, vazhdoni para ose mbrapa”, tha pjesëtari i Njësisë Speciale të Kosovës./Reporteri.net/