Aktivistja e PSD’së, Teutë Rrusta, ka kritikuar qeverinë dhe kryeministrin Albin Kurti, duke thënë se nuk flet fare për komunitetin LGBTI, as sot pasi u mbajt “Parada e Krenarisë” në Prishtinë.

Rrusta tha se ky komunitet shtypet nga Kurti sepse, sipas saj, prej tyre nuk cenohet dhe janë shumë të shtypur për t’u organizuar.

“Ne e kemi një qeveri që e kemi një qeveri me një varg problemesh që i ka shfaqur lidhur me këtë komunitet”, ka thënë Rrusta.

“Nuk flet për ta. Kur vjen një forcë populiste si e Kurtit në pushtet, nuk do t’i prishë punët me kurrkënd, e komunitetin LGBTI e shtyp dhe nuk flet për ta, për shkak se prej tyre nuk cenohet dhe janë shumë të shtypur për me kanë të organizuar”, është shprehur Rrusta.

“Një pushtet si i Kurtit që ka kaq shumë deputet e pushtet, nuk mundemi ne me thanë që është t’u e vazhdu avazin e vjetër. Ky ka përgjegjësi shumë më shumë, po tregon çka mendon për botën dhe shoqërinë”, shtoi Rrusta.