Mandati i Eulex-it në Kosovë është vazhduar edhe për dy vite, Gjykata Speciale një arsye shtesë sipas njohësve.

Ka 13 vite që operojnë në Kosovë. E janë rreth 500 persona që punojnë në cilësi të ndryshme.

Pjesëtarë të Policisë së Eulexit shihen shpesh në publik, por rralle në aksion.

Aksioni i fundit i tyre që bëri bujë të madhe, ishte në arrestimin e ish-krerëve të Ushtrisë Çlirimtare të Kosovës.

Njësia speciale e tyre i asistoi policëve të Zyrës së Prokurorit të Specializuar. Ky bashkëpunim i tyre do të vazhdoj të paktën edhe për dy vite në Kosovë. Kjo pasi, Këshilli i Bashkimit Europian ia ka vazhduar mandatin misionit të EULEX-it deri më 14 qershor 2023.

Një ndër arsyet kryesore sipas njohësve të çështjeve juridike për zgjatjen e mandatit është edhe Gjykata Speciale.

Se do të mbështesë Dhomat e Specializuara por edhe Zyrën e Prokurorit të Specializuar e kanë konfirmuar edhe vetë misioni i Eulex në një përgjigje për televizionin.

Shuma e ndarë për shpenzimet e këtij misioni nga 15 qershori 2021 deri më 14 qershor 2023 do të jetë 173 milionë e 693 mijë e 683 euro.

Por a paguan shteti i Kosovës për këtë mision?

Sipas Miftarajt, Misioni i Eulexit do të vazhdojë të operojë në Kosovë deri sa të ketë Gjykatë Speciale, e që sipas tij kjo do të zgjas së paku për 10 vite.