Vatikani publikoi këtë mëngjes, fotot e para të trupit të Papa Françeskut. Papa Françesku u varros në një arkivol të thjeshtë prej druri, me një rruzare në duar dhe i veshur me një petk të kuq liturgjik, një ditë pasi vdiq nga pasojat e një goditjeje.

Trupi i Papa Françeskut ndodhet ende në Casa Santa Marta, ku ai po shërohej pasi kaloi më shumë se një muaj në spitalin Gemelli të Romës për shkak të pneumonisë

Sipas planit, trupi do të zhvendoset në Bazilikën e Shën Pjetrit nesër, më 23 prill, në mënyrë që besimtarët të bëjnë nderimet e tyre.

Data e saktë e varrimit do të bëhet e ditur sot.

Varrimi i Papa Françeskut është planifikuar të bëhet mes të premtes, 25 prill dhe të dielës, 27 prillit dhe data e saktë do të konfirmohet sot në kongregacionin e parë të përgjithshëm të kardinalëve në Romë.

Në përputhje me dëshirat e tij të shprehura në testamentin e tij, Papa Françesku do të varroset në Bazilikën e Santa Maria Maggiore.