Me publikimin e rezultateve në nivelin shkollor për komunat e Prishtinës, Prizrenit, Deçanit dhe Mamushës në kuadër të garës Nacionale në Kreativitet Kulturor dhe Mendim Kritik, Zyra e Koordinatorit Nacional për Kulturë, Rini dhe Sport sot përfundon publikimin e listave të kësaj faze.

Nga të dhënat për nivelin shkollor, komuna e Prishtinës ka fitues 1575 , komuna e Prizrenit 1032 fitues, dhe komuna e Mamushës 58 fitues.

Numri i përgjithshëm i fituesve në këtë garë, për këto komuna, është 3029.

Nga 29 komuna pjesëmarrëse, numri i fituesve vetëm për nivelin shkollor përfshin mbi 15, 000 fitues.

Përmes Programit Nacional për Rininë, të gjithë nxënësit e Republikës së Kosovës nga klasa e parë deri në të dymbëdhjetën, patën rastin të jenë pjesë e garave, ku përmes shkathtësive krijuese, shfaqën talentet e tyre në fushat e Artit Muzikor, Artit Pamor, në Recitim/Teatër, Hartim/Poezi, Ese Hulumtuese dhe Debat.

Të gjithë nxënësit fitues të vendit të parë do të shpërblehen me certifikatë e cila ka një dedikim të veçantë nga shkrimtari Ismail Kadare.

Ditëve në vijim do të publikohen listat e fituesve për nivelin komunal të garës.

Gjeni të bashkëngjitur Listën e Fituesve të Garës Nacionale për Kreativitet Kulturor dhe Mendim Kritik në komunat e lartcekura

Lista e nxënësve fitues në Prishtinë

Lista e nxënësve fitues në Prizren

Lista e nxënësve fitues në Mamushë