Komuna e Prishtinës ka dhënë një tender në vlerë 132 mijë euro me procedurë të negociuar lidhur me rikonstruimin e rrugës “Rexhep Luci” dhe “Qamil Hoxha”, shkruan Reporteri.net.

Kontrata, që është dhënë për disa punë të paparapara, është nënshkruar më 23 qershor, teksa vlera totale ishte 132 mijë e 993 euro.

Sipas njoftimit të publikuar në e-Prokurim, kohëzgjatja e kësaj kontrate është për 60 ditë.

Me këtë kontratë është shpërblyer grupi i operatorëve ekonomikë “Flamuri SH.P.K”; “Benita Company Sh.p.k”.

Kontrata fillestare për këtë rrugë ka qenë në vlerë 1.3 milion euro dhe ishte dhënë me procedurë të hapur. Nënshkrimi i saj ishte bërë në nëntor të vitit të kaluar./Reporteri.net