Punëtorët e Korporatës Energjetike të Kosovës (KEK) po kërkojnë rritje të pagave. Të enjten, ata do të mbajnë edhe një protestë, shkruan Reporteri.net. 

Ata kanë thënë se puna që bëjnë është e vështirë, e rrezikshme dhe shpesh nënvlerësohet.

”Kjo punë nuk ka para që mund ta paguajë – është lodhje, është rrezik, është sakrificë çdo ditë.”, thuhet në postimin e sindikatës, teksa bëhet thirrje për pjesëmarrje në protestë.

Protesta do të mbahet më 1 Maj, në orën 12:00, në sheshin “Skënderbeu” në Prishtinë.

Protesta do të zhvillohet në kuadër të Ditës Ndërkombëtare të Punëtorëve.