Punëtorë të ndërmarrjes publike “Pastrimi” po protestojnë mëngjesin e sotëm para Komunës së Prishtinës.

Ata po kërkojnë nga komuna që ta anulojë tenderin për angazhimin e pesë operatorëve privatë për grumbullimin e mbeturinave, shkruan gazeta online Reporteri.net.

Ata mbajnë pankarta “16 milionë privatit, o për KRM Prishtinën”.

Punëtorët në protestën e kaluar kanë shprehur drojën se me këtë mund të falimentojë kompania. Ata kanë thënë se ndihen të cënuar për humbjen e vendeve të punës, pas tenderit në vlerë prej 16 milionë e 400 mijë euro që shpalli Komuna e Prishtinës për menaxhimin e mbeturinave në kryeqytet, që sipas tyre  çon këtë ndërmarrje drejt falimentimit.

Ata thanë se kryetari Përparim Rama e drejtori i Shërbimeve Publike, Bekim Brestovci po e falimentojnë ndërmarrjen publike “Pastrimi”.

Punëtorët e “Pastrimit” protestë para Komunës: Përparim, ndale tenderin 16 milionë, jo falimentim për pastrim