Sindikata e shëndetësisë e Qendrës Kryesore të Mjekësisë Familjare kanë protestuar sot pas sulmit fizik të një punonjësi të Qendrës së Mjekësisë Urgjente në Prishtinë.

Punonjësi shëndetësorë kishte shkuar në vizitë te një qytetarë për t’i dhënë trajtim mjekësorë, ku edhe është sulmuar fizikisht nga familjarët e tij.

Drejtori i Mjekësisë Urgjente në Prishtinë, Avdyl Pacolli tha se protesta është organizuar në shenjë solidarizimi me punëtorin e sulmuar.

Për sulmin ndaj këtij punëtori ka reaguar ditë më parë edhe Federata e Sindikatave të Shëndetësisë në Kosovë.

Nga kjo federatë është kërkuar nga institucionet e drejtësisë të marrin masa.