Qendra evropiane për liri të shtypit ka reaguar për sulmin e mbrëmshëm ndaj gazetarit Valon Syla.

Në një reagim publik, kjo organizatë i ka bërë thirrje autoriteteve në Kosovë që të zhvillojnë hetimet në mënyrë të pavarur duke nxjerrë autorët para drejtësisë.

“Ne dënojmë fuqishëm sulmin ndaj gazetarit Valon Syla, nga të paktën tre persona që e lanë atë të gjakosur dhe me lëndime në kokë. I bëjmë thirrje autoritereve kosovare, që në mënyrë profesionale dhe të pavarur të zhvillojnë hetimet, në mënyrë që autorët të dalin para drejtësisë”, thuhet në komunikatë.