×
  • Lajme
  • Lajme

    Qeveria e Kosovës: Veprimet e prokurorisë janë të pavarura – asnjëherë s’e pengojmë punën e mediave

    Reporteri
    17 Prill 2021 | 19:05

    Qeveria e Kosovës, pas zhvillimeve të sotme, ka thënë se nuk e pengojnë punën e mediave dhe s’e lëndojnë lirinë e shprehjes.


    Zëdhënësi i Qeverisë, Përparim Kryeziu, në një përgjigje për Klan Kosovën ka deklaruar se ekzekutivi nuk ka mandat mbi Prokurorinë e Shtetit dhe se veprimet e saj janë të pavarura.

    “Thirrja e ministrit Vitia dje në konferencën për media ishte që prokuroria e shtetit të mbrojë interesin publik dhe shëndetin e qytetarëve nga persona që dëmtojnë procese kaq jetike dhe delikate, duke rrjedhë çerek informacione që janë konfidenciale”.

    “Qeveria e Republikës së Kosovës nuk ka mandat mbi Prokurorinë e Shtetit. Veprimet e Prokurorisë janë të pavarura. Këto janë pushtete të ndara. Ata që nuk e kanë të qartë këtë, ose njëmend nuk e dinë ose kanë ngecur para 14 shkurtit, kur edhe mund të ketë pasur ndërhyrje të tilla në punën e prokurorisë. Qeveria asnjëherë dhe në asnjë mënyrë nuk tenton të pengojë punën e medias apo të lëndojë lirinë e shprehjes”.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!