Qendra Klinike Universitare e Kosovës ka pranuar një donacion prej 38,000 maska dhe 15,500 rroba mbrojtëse nga Zyra e Kombeve të Bashkuara për Shërbime të Projekteve.

Ministri i Shëndetësisë , Armend Zemaj, përmes një postimi në Facebook tha se ky donacion vjen përmes projektit “Ndihma për mbrojtjen / trajtimin e COVID-19 në Kosovë”, të financuar nga Ambasada e Holandës në Prishtinë.

Postimi i plotë i tij:

Donacioni i sotëm për QKUK-në nga UNOPS-i (Zyra e Kombeve të Bashkuara për Shërbime të Projekteve), përmban 38,000 maska dhe 15,500 rroba mbrojtëse.

Donacioni është realizuar përmes projektit “Ndihma për mbrojtjen / trajtimin e COVID-19 në Kosovë”, të financuar nga Ambasada e Holandës në Prishtinë.

Shtetet, organizatat ndërkombëtare dhe institucionet e huaja në vendin tonë, në vazhdimësi po e ndihmojnë për menaxhimin e pandemisë.